Irnaqirinakatakix nayriri urukipana llamayu phaxsina samart’añ urux utjani

Irnaqirinakan urupaw amtasini

Aka Bolivia markasans ukhamaraki yaqha anqax markanakans  kikipataw  nayriri urukipana llamayu phaxsinx irnaqirinakan urupax amtasi. Uka amtawix utjawayiw kunjamatix  khaya maranakana  irnaqirinakax ch’axwawayapxana  yäqatapxañapataki, kunatix uka pachanakanx maquinas ukanakaw utjawayxana  ukatx irnaqirinakarux ukaw lantiñchawayxana, kunayman irnaqawinak phuqhawina.

Ukhamakipanx aka markasanx uka amtawix sapa maranjamaw  phuqhasiwayi, ukasti mä  samart’añ uruw uka urux irnaqirinakataki ut’ayataxa.  Ukataw  ukürux kunaymana amtawinaka irnaqirinakaru yanapañatakis  qhananchapjixa.  Jilpachax sapa  maranx irnaqirinakana payllawinakaparux qawqhampis irxatatani, kuna yanapanakas jupanakataki utjani juk’ampinakataw irpirinakax yatiyapjixa.

Jichha maranx  ukhamarakikiw irnaqirinakana urupax amtatani. Ukampis Directora General del Trabajo, Evelyn Viscarra irpirix sawayiwa, ministerio de trabajo amtawayiw aka markasanx,  Decreto Supremo  2750 ukarjam phuqhasinx, aka jutiri atururu (martes) nayriri urukipana llamayu (mayo) phaxsinx  samart’añ uru irnaqirinakataki ut’ayata utjañapa. Ukhamax ukürux janiw irnaqirinakax yatitarjama irnaqawinakapamp phuqhapkaniti.