Inal mama achuyirinakaw thakhi sit’antapxi

Asunta tuqinx thakhi sit’antawinakaw utji

Asociación de productores de Coca  (ADEPCOCA) regional Asunta ukanx inalamam achuyirinakax qhananchawayapxiw kunaymana mayiwinaka utjatapa. Uka taypinkiw  inalmama jikthapiwix suyt’ayatapana ukasti machaqa irpirinaka inalmama achuyirinakata Asunta tuqin  ut’ayasiñapkama,  ukhamaraki katuntatanakax antutatapxañapa,  ukatsti yaqha mayiwinak kuna.

Uka mayiwinaka phuqhasiñapa mayipkipanx    jupanakax amtawayapxiw  thakhi sit’antawinakampi chikañchasiña. Uka thakhi sit’antawinakax jichhuru tunka kimsa qallquni  urunakakipana aka qasawi (abril) phaxsina khaysa Asunta markana phuqhasi. Jichhakamax yatiyawayapxiw  thakhix sit’antatatapa  wali ch’amampi Central Chaquety ukana,  Asunta markaru mantañ thakhikis ukas sit’antataraki ukatsti   Caranavi mantaña thakhikis ukansa ukhamarakiw  thakhix sit’antata jikxatasi.

Aksa tuqit  jilata Fidel Callisaya  inalamam achuyirinakan  Asunta tuqin irpiripax  sawayiwa, janiw nanakax aruskipjapxati  vice ministros, ministros jupanakampi jan  ukasti jilir marka irpirisampipuniw aruskipatani  kunatix jupaw jilir p’iqix aka markasata sawayiwa. Maysa tuqitx  irpirinakapax qhananchawayapxiw akham amtawinakax  ch’ullqhiñchatañapa  mayiwinaka jikirañkama.