Caranavi markana jan walt’awinak utjkipanx yanapanak wakichapxi

Walur, wasurutakiw yatisiwayi kunayman chhijinaka urjatapa,  ukasti khaysa Carnavi, Riberalta  ukatx suyu Inquisivi, Larecaja, juk’ampi tuqinakana uka jan walt’awinakax jallu purjatapat utjawayi. Jilpachax khaysa Yungas junt’u uraqina ukasti Caranavi tuqinaw wali aynacht’ata jixatasiwayapxi kunatix uraqix lluqhitatasinx thakhinak sit’antawayi ukhamarakiw walja markachirinak allxatasinx usuchjatanaka ukatx jiwatanaka antutawayaraki.

Jichhax jank’akirakiw kunayman irpirinakax ukanakatx arsusiwayapxi, jupanakax yanapatäniw uka kullaka jilanakaru sawayapxiwa. Ukhamakipanx kullaka Doctora Virginia Velasco  jupasti directora de Gestión Social ukhama Ministerio de la Presidencia tuqin irptkipanx  jutiri  ururüru (viernes) jan ukasti phaxsururkamaw (lunes)  yanapanakax puriyatani sawayarakiwa ukhamarakiw  yaqha tuqinakan ukham jan walt’awinakas utjaspan ukax jupanakarus yanapatani sasinaw arsuwayi.