Jichhurux wawanakan urupaw amt’ata

Mä waranqa llatunk pataka tunka payani maranaw mä tunka payani urukipana aka qasawi (abril) phaxsinx Organización de Estados Americanos  ukhamaraki UNICEF   uksankirinakax ut’ayawapxana akham sata amtawi“ Declaración de Principios Universales del Niño”, uka tuqix wawanakaru arxtaña kunkimpi,  kunatix jupanakarux janiw kuna yäqawimpis yanapatakanti.

Uka amtarjamasti mä waranqa llatunka pataka phisqha tunka pusini marataw aka Bolivia uraqisanx uka pachan marka irpirinakax ut’awayapxi markasanx sapa tunka payani urunakakipana aka qasawi phaxsinx wawanakana urupa ukhama amtatañapataki. Ukhat jichhakamaw ukhama amt’apjixa.

Jichhurunakanx kunaymani kamachinakaw utjixa, ukhaman wawanakaru arxatañataki. Ukhamakipansa jakthapiwinakarjamax sapa kimsawawanakatx paninix kuna kasta ñanqhachawinakampis aynacht’ayatapunipxiwa ukhamaw amtawinakax qhansti

Jichhurux waliw utjawina, yatiqaña utanakana,  irpirinakatsa wawanakax yäqt’ata jikxatasiwayapxi,  jichhax jupanakax sarakiwa sapuruna nanakaru ukhamana uñjaña utjaspa wali kusisiñaspawa.