Tumarapi tuqinx thuqt’awinakasa kunkañchayapxi

Suyunakasanx thuqt’awinakasax ch’ullqhiñchatawa

Aka markasanx kunaymana suyu tuqinakanwa sarawinakasarjama phuqt’añax utji, ukasti thuqt’awinakasa jach’añchasina. Ukampis uka thuqt’awinakasax sarawinakasarjamax janiw ukhamakikiti jan ukasti pachan pachaniwa. Ukataw aymar sarawinx jallu pacha, awtipacha,  juyphi pacha,  panqar pacha thuqt’awinakaw utjixa. Ukanakax  khaya maranakanx wali puniw amtata utjawayixa. Jichhurunakanx amtataskiw ukampis janiw taqpachanipunix yäqkiti.

Jichhax aka amtawinaka nayraru sarantañapatakix chiqas khitinakatix marka irpirinakax amtawayapxiw machaqa kamachi yatichawi yatiqawina chikañchayañataki ut’ayaña. Ukhamakipanx yatichirinakax ukhamaraki yatiqirinakas uka amtampiw aka urunakanx sarantapxi. Uktaw uka thuqt’awinakats kunaymana sarawinakasats walipuni yatxatataxa.

Ukham amtawinakas thakhiñchatakipanx suyu Pacajes municipio Waldo Ballivian ukanx kunaymana thuqt’awinakaw utjawayi ukasti pä tunka llatunkani maranaka amtkasina uka municipiun ut’asitapata. Jisa ukanx jallupacha thuqt’awinaka phuqt’awayapxi,  tarqueada, moseñasa,  ukhamarakiw uka suyunx ma qhuya minas utjkipanx minerito sutini thuqsa thuqt’asiwayapxi. Ukan markachirinakax sapa maranjamaw ukhama mayacht’asisinx ukhama thuqt’asita sawayapxiwa