EDUCACIÓN - YATICHIWI YATIQUWITUQITA
VI Concurso de Composición Poética Estudiantil Aymara
Publicado el 06/11/2013

Teatro Bartolomé de Las Casas radio San Gabriel uksanx VI Concurso de Composición Poética Estudiantil Aymara ukaw apasiwayi, yatiqiri wawanaka, wayna tawaqunakaw aymar aruta chapar arunak wali qamasampi chapart’awyapxi. Jupanakax may maya suyutuqinakan yatiqañ utanakataw purt’aniwyapxi: Pacajes, Los Andes, Aroma, Murillo, Loayza jilpachax La Paz departamento-tuqita.

Yatiqir imill wawaw chapart'aski

Yatiqir waynuchuw chapart'aski


Willküru pä tunka palquni uru taypi sata phaxsinaw chapar aru atipt’asiñax apasiwayi, jupanakan apst’ata chapar arunaka: uywanakaru, jamach’inakaru, quqanakaru, jakäwisaru, markasar uñañchayatanaka. Yatiqirinakax uwija, qarwa, allpachu t’arwat lurt’at isinakamp isthapt’ataw taqi chuymampi, wali qamasmapi chapart’awyapxi.

Chikañchasiwyapxiwa: primero a sexto de primaria yatiqirinaka ukjamaraki primero a sexto de secundaria yatiqir q’axulla wayna tawaqunakaw awki taykanakapampi, yatichirinakapampi chikt’ata purt’aniwyapxi. Chiqasa, qamasan arunakx taqiniruw muspharawayi.

La Voz del Niño wakichäwituqiw taqi yatiqirinakaru jawillt’asiwayi ukjamat jupanakax amuyunakap chapar arutuqi arst’asipxañapataki, taqi markachirinakarus yatiyapxañapataki. Tukuyarux atipt’irinakarusti paylläwinakas luqtt’asiwayarakiwa, sapa mayni chapart’irinakarus kikiparaki.

Atipt’irinaka ‘ganadores’

Wawanaka (categoría niños de primero a sexto de primaria)

Nayïri: Guido Castillo Mamani, quinto de primaria, Unidad Educativa Acopata Santiago de Callapa provincia Pacajes.

Payïri: Jhenny Jhoselin Calle Canoa, segundo de primaria, Unidad Educativa Daniel Gómez García provincia Murillo (Pampahasi).

Kimsïri: Rodrigo Rodríguez Ticona, cuarto de primaria, Unidad Educativa Juancito Pinto El Alto provincia Murillo.

Pusïri: Nelson Germán Chipana Tantani, quinto de primaria Unidad Educativa Qhanapata Distrito Caquiaviri provincia Pacajes.

Phisqhïri: Joel Tito Cachaca Pérez, cuarto de primaria Unidad Educativa Qillwiri Distrito Umala provincia Aroma.

Q’axullanaka (categoría jóvenes de primero a sexto de secundaria)

Nayïri: Marco Antonio Mamani Ticona, Unidad Educativa Kullucachi - Batallas provincia Los Andes.

Payïri: Yecid Luvia Mamani Ticona, Unidad Educativa Kullucachi - Batallas provincia Los Andes.

Kimsïri: Zulma Paco Mamani, Unidad Educativa Kaparumiri Distrito Charaña provincia Pacajes.

Pusïri: Cancio Tiñini Mamani, Unidad Educativa K’asillunka Distrito Caquiaviri provincia Pacajes.

Phisqhïri: Kenia Marca Flores, Unidad Educativa Marcelo Quiroga Santa Cruz provincia Loayza.

Amta ‘objetivo’

Yatiqiri wawanakana, q’axulla wayna tawaqunakana amuyunakapa ch’amañchañataki ukjamat jupanakax chapar arutuqi juk’ampi p’arxtapxañapataki amuyt’asipxañapatakisa ukjamaraki juk’ampi chapar arunak jupanakpachpa kunanakati markasan utjki ukanakar uñtasin qillqt’apxañapataki.

Por: G. Salgado

Derechos Reservados © Radio San Gabriel 2011 - 2018
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia