SOCIEDAD - MARKACHIRINAKTUQITA
San Gabriel FM 98.2 machaqa radio
Publicado el 11/10/2013

San Gabriel FM 98.2 machaqa radiox aymara saräwi, aymara aru ch’amañchañatakiwa. El Alto, Chukiyawu markan qamasirinakar p’arxtayañatakiwa…

Chikañcht'asirinaka

Tunka mayani urunakäkipan taypi sata phaxsinaw San Gabriel FM 98.2 machaqa radiox Salón de Los Geranios San Gabriel radio uksan ch’allxatt’asiwayxi, ukjamat wali qamasampi wayratuqi misttañapataki.

Jawillt'atanaka

Jawillt’atanakas waljaniw purt’aniwyapxaraki: Amanda Dávila, Ministra de Comunicación; Eugenio Rojas, senador del MAS; periodista jilat kullakanaka, Valeriana Díaz Caba, Sistema de Autoeducación de Adultos a Distancia SAAD-San Gabriel irpiri, San Gabriel radio jilïr irpiri, irnaqirinaka yaqhanakampi. San Gabriel radio jilïri irpirix arst’awayiwa: “San Gabriel FM 98.2 machaqa radiox jach’a markanakan qamasiri wayna tawaqunakaru, markachirinakaru p’arxtayañatakiwa, jupanakax aymara arusa, saräwisa amtthapipxañapataki, kunati jach’a markanakanx yaqha amuyunikixapxiwa, aymara markasats armasiñak munxapxi”.

Hno. Edgar Antonio Aruquipa Chavez jupaw arst'aski

Jichhax San Gabriel radiox Red de Comunicación Educativa uñt’ataxiwa, San Gabriel radiox nayrar sarantaskakiwa.

¡Jallälla San Gabriel FM 98.2!

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia