EDUCACIĂ“N - YATICHIWI YATIQUWITUQITA
Chhijchhimp q’ixuq’ixumpi
Publicado el 19/12/2011

Mä uruxa, mä tataw junt’u uraqtuqir wallp aljasinĂŻ sasin thakhinjam saraskäna, ukat akatjamataw mä jan uñt’at janq’u sunkhan tatax jikxatatayna. Tatasti, jupamp chikt’atarakiw thakhinjam sarxapxatayna. Wali jay sarasinsti, mä muspharkaya, lliphipkir marka uñacht’ayatayna, uka markasti qurikamakipunĂŻnwa, ukansti jisk’a chhiqhan wawanakakiw qamasipxarakĂŻnxa; tatax uk uñjasasti aliqapuniw muspharatayna.

Janq’u sunkhan tataxa, akaw markaxaxa, akan wallpam jila chanir aljasĂŻta sasin arxayarakitayna. Jach’a markar purisasti, suni uraqit jutir tatarux quri phukh uñchat’ayatayna. Ukjamäkipan chhiqhan wawanakasti janiw akat sarxätati, nänakampiw qhiparxäta sapxarakitaynawa.

Tatasti quri phukh uñxatasax mayak nayranakapax juykt’awayxatayna, janiw kuns uñjxänti, ukat wälpin mulljasxarakĂŻna: ¡kunataks akar juttxa! sasin chuym liq’isirakĂŻna. Janipuniw kuns uñjxänti, ukat kaja jawq’ayatayna; juykhu tatax kaj jawq’asaw tux… tux… tux… thakhinjam sararakĂŻna. Sinti, sinti… mulljatapunĂŻnwa:¡kamachakĂŻsa, janirakis uñxtixä! sasin llakt’asĂŻna.

Jañq’u sunkhan tatax mayampiw quri phukh uñantayatayna, uñantasasti mayak nayranakapax jist’artxatayna, ukat wäli kusisitayna. NayranĂŻxasasti kunti Illimani quri markan utjkän taqi ukanak uñjxäna.

Ukat janq’u sunkhan tataxa: JichhĂĽrut uksarux qulliriruw tukxät sasaw sarakitayna; jaypachatsti, wawanakatrakiw jikt’asitayna: akjam wawanakx janipuniw uñjirĂŻkti kunats chhiqhankamaki sasina. Janq’u sunkhan jaqisti ukankax limphu wawanakawa, awk taykanakapat armatanaka, jan sutin wawanakaw sasin yatiyatayna. Jumasti khitirakĂŻta jiskt’ataxa: nayax q’ixuq’ixĂĽtwa sarakitaynawa; nayax chhijchhimp chikt’aw sarnaqta, ukjamarus nayaw nayr chursma sataynawa, ¡wali lup’iñjamawa!

Nayrapacha achachil awichanakasax pachamama uraqin utjirinakar wali yäqapxiritayna: qullunakaru, q’ixuq’ixuru, jach’a jawiranakaru yaqhanakampiru, ukat askinjamaw sarnaqapxarakirĂŻtayna.

Jichhapachanakax janiw ukanakar yäqxtanti, ukat inas jan walt’awinakas utjxarakchi, amuyt’apxañäni…

 Qilqt’aniri: Narciso Mamani

Ayllu: Karwisa

Suyu: Los Andes

Askichiri: Gladys Salgado Salgado

Derechos Reservados © Radio San Gabriel 2011 - 2018
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia