EDUCACIĂ“N - YATICHIWI YATIQUWITUQITA
K’usillump pä achakumpi
Publicado el 13/12/2011

Aka siwsäwix pä kullakpur achakutaw arxayistu, jupanakax jach’ jisk’äpxanwa, jisk’äkax wali ch’ikhĂŻnwa, janiw jayräkanti; jach’äkasti mä juk’ jayritĂĽnwa, janiw kuns jasak lurañ munirĂŻkänti. Mä arumasti, manq’ thaqhasiriw  sarapxänxa. Sullka achakusti, mäkirakiw mä tik kisu lunthatsunitayna, kullakapasti jan kun yanapt’asax ukch’pach apaqañ munxarakitayna. Ukat purapat tuqisxapxatayna, niyapuniw jan walt’ayasxapxataynati. Ukjamäkipanx jach’a jilĂŻrik sarañäni, jupaw askichistani sasin sarapxatayana. Jach’a jilĂŻr k’usillusti jupanakatx sawkasxakitaynawa, jupakiw kisu chik chikatar jaljampxam sasin manq’antxatayna.

Achakunakasti, uk uñjasax wal mulljasipxarakitayna, chuym liq’isipxatayna, llakthapisipxatayna ukjama, kunati k’usillux sallqa amtanakapampix kis kikipt’ayxä, kikipt’ayxä sasin niyapuniw tukuntxäna.

Aparasisinsti, utaparuw sarxapxarakĂŻna, sarkasinx tuqt’asxapxarakĂŻnwa, jumapuniw jupäk sarañ sistax sasina. Sum amuyt’asisax janipuniw mayamps jilĂŻrir yatiyxañäniti, ni sarxañänis sasaw amtxapxatayna.

Jakäwinxa, janiw juk’amp añch kunas munañati, janirakiw jach’a jach’ tukuñäkarakisa, ukampis kunas khuskhataw markachirinakarus jaljaña, jaqi masisar sallqxañax juchawa.

 

Qilqt’anirinaka: Teodoro Mamani ukjamaraki TobĂ­as Rojas

Ayllu: Sampaya

Suyu: Manco Kapak

Askichiri: Gladys Salgado

Derechos Reservados © Radio San Gabriel 2011 - 2018
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia