EDUCACIÓN - YATICHIWI YATIQUWITUQITA
Amuyt’asipxañasataki ‘para meditar’
Publicado el 21/04/2012

Jakäwix janiw jasakïkiti, wali ch’ama tukuñawa. Walja jan walt’awinakaw utji, akatjamataw lanktasiñasa, thuljtañasa, liwisiñasa, pantjasiñas utji; akatjamatarakiw laruñas, jachañas, llakisiñas utjaraki. Akatjamatarakiw wiñaya sarxañas, usuntañas utji; janiw khitis yatisktanti, kunapachkamay jakchiñäni ukxa… Alaxpach awkikiw taqikuns yati. Ukataw aka jakäwinxa, jakkasina, sum manq’t’asiñasa, jakkasin maynit maynirus yanapt’asiñasax wakisi. Kunapachati maynix jan jiwasamp chikäxi ukjakiw jachañ yatipxtana, chuyms liq’isipxaraktana…

Uksatuqit Miguel Ángel Cornejo siwa: “vivir el día de hoy como si fuera el último día de nuestra existencia, pues nadie puede asegurar que mañana lo vamos a vivir”…

Ukjamarus walja jila kullakanakarakiw uka jan walt’äwinakampix pachparu qhiparawayxapxtana. Jichhax jiwasan sum amuyt'asipxañasatakixa, aka p’arxtayir amuyunakaw yatipxañasa:

ASKI LURÄWINAKAS, JIKXATÄWINAKAS JIWASAN ASKI AMUYUNAKASATAW QALLTI

‘El éxito comienza con la voluntad’

(Versión aymara) 

Jumati amuytuqi  aynacht’atäxt sasin lup’ïta ukjaxa, aynacht’atäxtawa,

jumati jan lurirjam lup’ïta ukjaxa, janiw lurkätati,

jumati walja qullqi jikxatañ lup’sta, munaraksta,

inas jan atiñjamäkchi, wali ch’amächi, ukax janipuniw atkätati.


Jumati atipjayasiw sasin lup’ïta ukjaxa, atipjayasxtawa

kunati akapachanx aski luräwinakas, jikxatäwinakas

jiwasan aski amuyunakasataw qallti.


Taqikunas lup’ïwisankaskiwa,

yaqhippachax walja amtanakaw janïr lurkasina,

janïr phuqhkasin ukjamaki jaytarpawayxtana;

ukampis waljanirakiw janïr irnaqañ qalltkasin pachpar qhiparawayapxi.


Jichhax sum amuyt’asim, ukatx nayraqataruw sarantaskäta,

jan sum amuyt’askäta ukjaxa, qhipartakipunïtawa,

jumaxa, atïwa sañamapuniwa, ukat atïtawa

taqikunas lup’ïwisankaskiwa, jiwasatjamaskiwa.


Jumati nayraqatar sartañ lup’sta ukjaxa, nayraqatar sartätawa

ukampis sum amuyt’asisapuni,

janïr kun atipkasasa, janïr kun katuqaskasasa

nayax atïwa, nayax luräwa sañamapuniwa.


Aka jakäwinxa, janiw sapakutis atipapksnati,

Ukjamarus khititi atipki ukaxa, nayax atïwa,

nayax luräwa; sasinaw taqi chuym phuqhañkam amtawayi.


Qillqiri: Dr. Christian Barnard

Aymar arur jaqukipiri: Gladys Salgado

Yanapt’iri: Isaac Huarachi


EL ÉXITO COMIENZA CON LA VOLUNTAD

(Versión español)

Si piensas que estás vencido, lo estas,

si piensas que no te atreves, no lo harás

si piensas que, te gustaría ganar,

pero no puedes, no lo lograrás.


Si piensas que perderás, ya has perdido,

Porque en el mundo encontrarás que el éxito

comienza con la voluntad del hombre.


Todo está en el estado mental, porque muchas

carreras  se han perdido

antes de haberse corrido,

y muchos cobardes han fracasado

antes de haber su trabajo empezado.


Piensa en grande y tus hechos crecerán,

piensa en pequeño y quedarás atrás

piensa que puedes y podrás.

Todo está en el estado mental.


Si piensas que estás aventajado lo estás,

tienes que pensar bien para elevarte

tienes que estar seguro de ti mismo

antes de intentar ganar un premio.


La batalla  de la vida no siempre la gana,

el hombre más  fuerte o el más ligero,

porque tarde o  temprano, el hombre que gana

es aquel que cree poder hacerlo.


Dr. Christian Barnard

Foto

http://t3.gstatic.com/images?q=tbn:ANd9GcR7qbh6w28elTz40HAytXpiOGClFUaZO-Xlk0icfv8-W6Y_r9_xVdV7bQmraA

http://www.micoach.es/blog/imagen/exito.jpg

Derechos Reservados © Radio San Gabriel 2011 - 2018
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia