NACIONAL - MARKASAT YATIYÄWINAKA
Bolivia markan juphatx lichiw lurataxani
Publicado el 10/11/2014

2 uru lapaka phaxsinaw nayrïri planta del mundo productora de leche de quinua ch’allxatt’ataxani.

Bolivia markan walja jupha achutapatxa, nayrïri fábrica juphat leche lurañataki utjxani (primera planta del mundo productora de leche de quinua), jupha achux janchisataki walja ch’amañchirinakanitapata. Uka jach’a amta phuqhasiñapatakix 20 uru lapaka phaxsinaw ch’allxatt’ataxani.

Óscar Alcaraz del Castillo, empresa estatal Pro Bolivia irpirix yatiyawayiwa, nayrïri fábrica jupha lichi lurañatakix Uyuni municipio, Potosí departamento-tuqinaw lurayatäni. Sapüruxa, 3.500 litros ukja lichiw may maya muxsa q’aphinakani utjayatäni, ukatx sapa bolsa lichix Bs 6 ukjakirakiniw chanipaxa.

Jutïrinakansti, sapürux 4.800 litros ukja lichiw lurañax amtataraki, ukatakix Unión Europea ukjamaraki Fundación Fautapo jupanakaw un millón de bolivianos qullqimp yanapt’asiwayapxi, ukjamat Bolivia markan juk’ampi irnaqäwix utjañapataki.

Jichhax 283 jupha achuyirinakaw Potosí departamento-tuqinx mäki irnaqt’apxani, ukatx juphat lichi lurt’atas anqa markanakarux alxatarakiniwa, kunati juphax walja ch’amañchirinakanitapatxa, uraqpachanwa wali munata.

Kawkins juphax jilpach achuyata ‘departamentos productores de la quinua’

Juphax akïri departamento-tuqinakanaw jilpachax achuyata: Potosí, La Paz, Oruro, Cochabamba ukakikparaki Chuquisaca; uksa markanakanx walja kasta juphaw achuyata: janq’u jupha, wila jupha, ch’iyar jupha yaqhanakampi.

Juphax khaya maranakatpachaw suni uraqituqinakan laq’a achachila awichanakax achuyapxatayna, jupanakax jupha manq’t’asisinxa janiw jasaki usuntapxirikataynati, ukampis wali ch’ikhipxataynawa.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia