NACIONAL - MARKASAT YATIYÄWINAKA
Nayrïri jach’a tantachäwiw aymar saräwi ch’amañchañatak apasini
Publicado el 07/11/2014

Aymar aru ukjamaraki aymar saräwi ch’amañchañatakiw nayrïr jach’a tantachäwix wakt’ayata.

Nayrïri jach’a maphapiwiw aymar saräwi ch’amañchañataki Chukiyawu markanx apasini (I Congreso Internacional de Lengua y Cultura Aymara), uka jach’a tantachäwix 12, 13, 14 uru lapaka phaxsinaw phuqhasini.

Universidad Pública de El Alto (UPEA), Universidad Boliviana Aymara Túpac Katari (Unibol-ATK), Instituto de Lengua y Cultura de la Nación Aymara (ILCNA), Consejo Educativo Aymara (CEA) ukjamaraki Ministerio de Educación jupanakaw uka jach’a tantachäwi utjañapatakix wakt’ayapxi.

Amta ‘objetivo’

Aymar aru ukjamaraki aymar saräwi ch’amañchañataki, ukatx taqini amuykipt’asa, lup’ikipt’asa aymar saräwi juk’ampi nayrar sarantayañataki, aymar arut arsuñas jan phinq’asitaxañapataki.

Kunatuqits aruskipt’atäni ‘ejes temáticos’

Aruskipt’ataniwa: cosmovisión de la nación aymara, como el pensamiento, principios y valores, complementariedad, vivir bien, semiología, saberes, conocimientos, tecnologías, políticas lingüísticas, cultura, economía yaqhanakampita.

Khitinakas chikañcht’asipxani ‘participantes’

Yatiqirinaka, yatxatatanaka ukjamaraki markachirinaka; ukatxa Perú, Chile, Argentina juk’ampi yaqha anqa markats purt’anipxarakiniwa, ukjamat amuyunak qhanstayañataki.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia