5526 maranak katuqañatakiw wakichasipxi

Markasanx aka qhipha  urunakanx sapa  pä tunka mayan urunakakipana  mara t’aqa (junio) phaxsinx willka kuti machaq mara  aymara Andino Amazónico  amtañatakiw wali wakichapxi. Ukhamakipanx  kunayman suyunakanx jilpachax wak’an chiqanakaruw mistapxi, ukax willkan ch’amap katuqañataki. Ukataw kunapachatix willkax mistanki ukhax ampars alayar aptapxi. Janiw ukakikiti jan ukasti  waxt’anakampi, kunayman phust’awinakampi ukhamaraki thuqt’awinakampiw katuqapxi.

Jichha maranx  phisqha waranqa phisqha pataka  pä tunka suxtani maranaka katuqañatakiw wakichasipxi. Jichhakamax yatiyawayapxiwa, khaysa  Municipio Copacabana tuqin  wakichasipxatapa, ukatx  khaysa Municipio Calacoto tuqins ukhamarakiw wakichasipxi.