Juegos Suramericanos anat’awinx Bolivia markax 34 Medallas atipawayi

Solapas principales

Atipt’irinakaruw ch’amanchawayapxi

Aka qhipha urunakanx khaysa Cochabamba markanx   tunka mayaniri Juegos Suramericanos anat’awinakaw phuqhasiwayi. Ukanx kunayman markanakataw anat’awinakan atipt’asirix chikañchasiwayapxi. Ukanx anat’awayapxiw kunayman tuqinakata: uma tuqi tuyusina, t’ixtasina,  piquta amparam jalanaqayasina juk’amp anat’awinakaw utjawayäna.

Ukampis Bolivia markatx  uka atipt’asiwinx chikañchasiwayapxarakiwa. Ukanx kimsa tunka pusini Medallas apsuwayapxi. Uka taypinkiw pä Medallas ukax qurita, tunka phisqhani Medallas ukax qullqita ukatx  Bronce  ukatx tunka phisqhani Medallas ukharakiw atipt’at utjawayi. Ukham utjawaykipanx chhämanthiw jilir  marka irpirisax jupa atipt’irinakarux wali ch’amanchawayi. Ukampis jupanakarux qullqimpis  ch’amanchawayapxarakiwa.

Jichhax  Juegos Panamericanos   sata anat’awin Medallas  atipt’ata utjaskakispa ukax ukhamarakiw  qullqi  tuqis ch’amanchatani sasaw marka irpirisax sawayi. Ukampis quri Medalla atipirinakarux 30.000 ch’uxña qullqinaka, qullqi Medallas uka atipirinakatakix 20.000 ch’uxña qullqinaka, ukatx Cobre uka Medalla atipirinakarux 10.000 ch’uxña qullqinakwa luqtawayapxi.