Jichhurux jach’a markanakanx yatichaw yatiqawinakax suyt’ayatawa

Magisterio Urbano tuqin yatichirinakax chhijllapxiwa

Federación Departamental  de Trabajadores de Educación  Urbana de La Paz tuqin  irpirinak chhijllañatakiw  jichhurux niya kimsa tunka waranqa  (30.000) yatichirinakax  chimpuntapxi. Ukatakix  jichhurux Fiscal ukatx Convenio satakis yatiqañ utanakanx yatiqawinakax  suyt’ayataw jikxatasiwayi. Uka chhijllawinx yatichirinaka ukhamaraki yatiqañ utanakan irnaqirinakaw   chimpuntanipxi.  Jichhurux uka chhijllawix aknir yatiqañ utanakan utji: Venezuela, Ayacucho, Juana Azurduy de Padilla ukhamarakiw Escuela México ukans phuqhasi.

Ukhamakipanx  El Alto markan Representante ukham irptkipan  yatichiri Alex Morales sawayiwa: “Uka chhijllawix llätunka qhantat pachat qalltawayi ukatx  phisqha jayp’u pachar  tukt’ayañaw amtata. Taqi yatichirinakaw chikañchasipxañapa janitix ukhamakaspax jupanakax payllawinakapat jakhuqatapxaspa  ukasti  mä uru irnaqawit jakhupatapxaspa, kunatix janiw jichhurux yatichawinakax utjkiti ukhaman taqi yatichirinakax aka chhijllawin chikañchasipxañapataki”.