Jichhuruw U.P.E.A. uksankirinakax unxtasiwayapxi

Universidad Pública de El Alto - U.P.E.A. jach’a yatiqañ utax El Alto markanaw jikxatasi. Ukhamarakiw  yaqhipa  Suyunakanxa  Sub Sedes ukanakasa utji. Uksa  jach’a yatiqañ uta tuqin irpirinakax qhananchapxiwa  walja yatiqirinaka utxatapa. Ukhamakipanx  juk’amp mayiwinakaw utxi sawayapxiwa, ukataw  jupanakax  qullqi  churatakis  jach’a yatiqañ utanakaru  marka irpirinakatx aka  UPEA  ukatakix  irxatatañapa mayipxi.

Ukhama mayiwinakampix jichhuruw unxtasiwayapxi  Aka jach’a markanx yatichirinaka ukhamaraki yatiqirinakas  Ceja El Alto tuqin tantachasisinx  Chuquiagu markaruw  unxtasiwimpi kayuki maykipawayapxi. Ukampis  ukhama unxtasiwinaka uka kipkaraki thakhi sit’antawinakas kunaymana Sub Sedes ukanakans phuqhasiwayarakiwa. Kunjamatix Sub Sede Caranavi uka junt’u uraqin yatichirinaka ukhamaraki yatiqirinakax unxtasiwayapxi uka kipkarakiw thakhinaks jist’antawayapxi.

Qhana arunx jupanakax mayipxiwa  Ley 195 Coparticipación Tributaria kamachix mayjt’ayatañapa ukhamaraki  aka pä waranqa tunka kimsaqallquni mara jikstañataki Universidad Pública de El Alto jach’a yatiqañ utatakix qullqi utjañapa.