44 panka qhathuw Argentina markana phuqhasi

Panka qhathuw phuqhasi

Argentina  markanx pusi tunka pusini  Feria Internacional del Libro sutiñchata qhathuw phuqhasi.    Pä tunka  suxtani  urukipana aka qasawi  (abril) phaxsita qalltasina tunka pusini urukIpana  llamayu (mayo) phaxsikamaw phuqhasini. Uka jach’a qhathunx kunaymana pankanakaw uñacht’ayata. Walja markanakana  panka qillqatanakapaw uñacht’ayataxa. Uka qhathunx América del Sur tuqinkiri markanaka ukhamaraki  uraqpachatsa kunaymana markanakas qillqatanakapx uñacht’ayapxarakiwa.

Ukampisa aka Bolivia markasatx panka qillqatanakax ukhamarakikiw uñacht’ayata. Uka qhathunx  sarawinakasata, historia tuqita, marka irpirinakata  juk’ampinakataw  qillqatanakax uñacht’ayata. Uka pankanakatx jilpach aljatax akniriwa, “Memorias de Dignidad y Masacre” Octubre Negro, uka qillqatanx  kunjamas pä waranqa kimsani marana  gas arxatasina ch’axwatana ukanakata qhananchi, ukhamipanx  markachirinakax uka qillqatanakat yatiñatakiw wali alasipxi..

Kullaka Nélida Acuña  Primera Secretaria de la Embajada de Bolivia en  Argentina ukhamaw irpxaruski jupax sarakiwa, Bolivia markatx  ukhamaw kunayman  pankanakax uñacht’ayataski, ukampis uka qillqatanakax  askinaw markachirinakata alasita.