Aka marax pä aguinalduw utjani

Irnaqirinakan payllawinakaparux irjatawix utjaniwa

Khitinakatix Central Obrera Boliviana  C.O.B. tuqin irpirinaka ukhamaraki marka irpirinakampix kunaymana mesas de trabajos satakis ukanakana mä qawqha urunaka, irnaqirinakan mayiwinakaparu, jaysañatakix irnaqawayapxi. Aka irnaqawinx qawqhampis aka maranx irnaqirinakan payllawinakaparux irjatataspa ukanakats uñakipawayapxarakiwa. Uka irnaqawinakana amtawinaka ch’umstawaykis ukanakatx niyaw yatiyawayjapxi.

Wasayp’u arumax marka irpirinaka ukhamaraki irnaqirinakan irpirinakapas uñt’awayjapxiwa aka maranx irnaqirinakan payllawinakaparux irjatawinakax utjañapa akhamata: salario básico ukarux 5,5% ukhampi, ukatx salario mínimo nacional ukarusti 3%  ukhampi irjatawix utjañapa. Ukhamarakikiw qhananchawayapxi aka mara tukusinx irnaqirinakatakix pä aguinaldo  utjañapataki jay sawi utjatapa.

Ukham amtawinak utjkipanx jilata Juan Carlos Huarachi Central Obrera Boliviana tuqini rpiripax sawayiwa,  aka amtawinakax askiw irnaqirinakaru yanapañataki.