Aka maran payllawinakaru irxatañatakix aruskipapxiwa

Irnaqirinakan payllawinakaparu irxatawit uñakipapki

Central Obrera Boliviana uksan irpirinakapa  ukhamaraki marka irpirinakasampix  kunaymana  mesas  de trabajo satakis ukanakana irnaqapxi,  ukhamana irnaqirinakan mayiwinakapax ist’atañapataki. Uka tuqinx ukhamarakiw payllawinakaru irxatawinaka utjañapatakix uñakipasipki. Jichhakamax  niyaw kunaymana amtawinaka utjatapata  qhanachapxi.

Ukhamakipanx secretario ejecutivo ukham irptkipana Federación Sindical de Trabajadores Mineros de Bolivia (FSTMB) uksana Orlando Gutiérrez sawayarakiwa,  marka irpirinakax amuyapkiw haber básico ukarux  sapa patakat 3,5% ukhampi irxataña ukatx salario mínimo nacional ukarux sapa patakatx 0% ukhamp irxataña.  Uhamakipanx  qhuya mina tuqinakan irnaqirinakan irpiripax sawayiwa nanakax janiw uka amtarux jay sapkiristi, kunatix nanakax amtaptwa kunti  irnaqirinakan jach’a mathapiwipana  amtatakana ukaru phuqhayaña. 

Ukañkamax khitinakatix empresarios privados uksankirinakax  irpirinakap taypix  mayipxiwa sapa patakatx 2,5% ukhampi  irnaqirinakana payllawinakaparu irxataña. Kunatix  jupanakax  sapxiwa nanakax ukharukiw jikt’apxirista, ukasti jani  askina qullqi tuqix jiltawi jupanakataki utjatapata.