Qarwa ukhamaraki allpachu tuqinakat uñacht'ayañatakiw mä qhathu phuqhayapxani

El Alto markanx aka jutir tunka urunakakipan aka llumpaqa (agosto) phaxsinaw  qarwa ukatx allpachu uywachawi tuqit uñacht'ayañatakix mä qhathu phuqhayañ wakichapxi. Uka qhathux  Campo Ferial satakis ukankaniw sawayapxiwa.

Ukanx kunayman manq'a phayatanaka  ukasti qarwa ukatx allpachu aychata uñacht'ayañ amtapxi. Ukhamarakiw amparamp sawutanaka, ukatx  kawkniris suman qarwats allpachuts askin uywatax utjawayi ukanakas chhijllataniw sasinaw qhananchawayapjixa.