Distrito Municipal 12 tuqinx walja mayiwinakaw utji, sasinaw yatiyapxi

Aka EL Alto markanwa tunka payiri Distrito Municipal jikxatasi. Ukanx  walja kullaka jilanakaw qamasipxi ukhamakipanx sapurunjamaw  kunayman mayiwinakax  utji sasaw ukan qamasirinakax sawayapxi. Jichhax uka mayiwinak  phuqhatañapatakix irnaqataskarakiw sasaw Sub Alcalde  uka tuqinkirix arsuwayi. Jupax sawayiwa, ukanx kunayman lurawinakaw  mayita akhamata:  yatiqañ utanak askichaña,  calles ukanakax kikiparaki, canchas ukanakas munataraki juk’ampinak kunaw utji sawayiwa.         

Maysatx uka kipkarakiw ukan qamasirinakax  mä chiqpacha seguridad ciudadana utjañapa mayiwayapxi. Ukhamakipanx Sub Alcalde jupax yatiyiwa, jichhax uksa tuqit yanapt'añatakix qallarataw  kunayman yatiqañ utanakakis uka jak’anakan mä akatjamat puriwimp uñakipañatak phuqhasina, ukhaman  wayna tawaqunakax jan juk'amp  machjayir umanak  umasipkañapataki sawayiwa.