Irnaqirinakan urupaw amtasi

Aka markasanx walja irnaqirinakaw  utjaptana. Sapa markachirix kunayman tuqinakanaw irnaqañx yati, Ukampis  sapuruw wali willjtat wali arumkamax irnaqata, ukhaman  wilamasi tapyinx  inas mä t’ant’itatakis qullqisitu jalaqt’ayasiñ´ataki. Ukhamakipanx khaya maranakanx waliw  irnaqxayatana ch’ama ch’irsuwinakaw utjawayana ukanak t’akuñapatakix chaxwatanwa sawayapxiwa, ukhamarjamaw jichhurunakax irnaqirinakan urupax  sapa nayriri urukipan llamayu (mayo) phaxsinx irnaqirinakan urup amtapxi.

Aka markasanx ukham amtañatakix qharurux   Cochabamba Markanaw  kunayman  amtawinakax phuqhatani  sawayapxiwa, ukakipanx  aka EL Alto markans ukhamarakikiw utjarakini ukasti mä desfile cívico ukaw  wakichata ukanx  taqi irnaqirinakaw chikañchasipxani  sasinaw  Central Obrera Regional de El Alto  uksankirinakax qhananchawayapxi.