Yatichawir ch’ullqhiñchañatakix pankanak apthapiñ amtapxi

Aka markasanx walja kullaka jilanakaw   yatxatapjixa Programa Post-Alfabetización sata wakichaw tuqin chikañcht’asisina. Ukanx yatiqawin juk’amp ch’ullqhiñchatapxañapatakix   uka wakichawi irpirinakax qhananchapxiwa, panka pirwanak ut’ayañatakiw kunayman tuqinakanx   pankanakax markachirinakaru mayisin apthapiñax amtataski sawayapxiwa.

Ukhamakipanx aka jutiri  pä tunka kimsaqallquni urunakakipana aka paqhsitx, EL Alto markanx kunayman tuqiwjanakanaw wakichapxi ukhaman markachirinakax  pankanak   waxt’asin yanapt’asipxañapataki,  ukampis uka pankanakax kunayman  panka  pirwanak ch’ullqhiñchañatakiw apataxani ukhamata yatiqirinakax ullart’apxañapataki, sasinaw yatiyawayapxi.