Magisterio Urbano uksankir yatichirinakax unxtasiwinakamp phuqhañ wakichapxi.

Aka markasanx pä tama  yatichirinakaw utji.  Mayax  ayllunakan ukhamaraki suyunakan yatichapxi ukatsti mayax  jach’a markanakanrakwa yatichawinakamp chikañchasipxi. Ukampis jichhax khitinakatix  jach’a markanakan yatichapki jupanakax   walja mayiwinakaniptwa sawayapxiwa, ukhamakipanx  nanakax   uka mayiwinak phuqhayañ amtapjaxa sasinaw arsusiwayapxi.

Uka mayiwinak taypinx jupanakax irpirinakap  tuqix qhananchapxiw aknirinakatapa: aka maranx  jilpach payllawinakapar irxatatañapa, yaqhasti janiw sapxatapa  ukax  munkiri jan munkiri  jubilación uka katuqaña ukhamarakiw yaqha mayiwinakas nanakanx  utji ukanakax jay satañapaw sasinaw arsuwayapxi. Uka mayiwinakampix jichhax jutiri  ururux (viernes) unxtasipxawa sasinaw yatiyawayapxi.