Yatiqañ utanakax askichatañap mayipxi

Federación de Estudiantes de Secundaria EL Alto markan irpirinakax  sawayapxiwa,  kunayman Distritos tuqinakanaw   yatiqañ utanakax utji, ukhamakipanx  jayakis ukawjanakanx uka yatiqañ utanakax janikipuniw askin uñjatakiti ukataw nanakax mayipta  Municipio tuqin irpirinakax  uka  yatiqañ utanakx askin askicht’ayapxañapa, ukhaman  suman yatiqawinakax phuqhasiñapataki.

Ukampis uka mayiwinaka ukhamaraki yaqha  mayiwinak mayachthapiñatakix marka irpirinakarus uñacht’ayañatakis, nanakax aka jutiri  illapüru (jueves) pä tunka phisqhani urunak maykipkipan aka qasawi (abril) phaxsinaw tantacht’asipjaxa uka mayiwinak mayachthapisinx   yaqhipha Ministros jawillat’atakis jupanakar uñt’ayatañapataki ukhamat mayiwinakax jaysatañapataki, sasinaw Jhoel Charca ejecutivo aka Federación de Estudiantes de Secundaria El Alto tuqinkirix arsuwayi.