El Alto markanx Magisterio Urbano tuqin yatichirinakax qhurumpiw arsusiwayapxi

Aka Chukiagu  jach’a markana yatichirinaka Magisterio Urbano tuqinkirinakax aka urunakanx  llakitakiw jikxatasipta sawayapxiwa, kunatix janikiw askina kamachinakas  nanakatakjama wakiskirikiti sasinaw arsusiwayapxi. Ukhamakipanx jupanakax jichhurux El Alto markanx kawkitix Distrital El Alto markana  ut’atakis uka punkuwjanwa  qhurumpi arsusiwayapxi. Ukatx jupanakax kunakitix  kamachi yatichawi tuqina Avelino Siñani ukhamaraki Elizardo Pérez  phichkatawayapxi. Ukharux  mä Resolución 001  /2019 uksa ukhamarakikiw phichkatawayapxi.

Uksa tuqitx jilata yatichiri Alex Morales sawayiwa: “…nanakarux  ch’amampikiw  jubilación katuqayaña munapxitu janiw saptwa, ukharux  ítems ukanaksa jitnaqayañ amtapxi janirakikiw nanakatakix ukas walikiti ukatx juk’ampi mayiwinakaw utji…”, sasinaw arsuwayi. Qhipharux qhananchawayapxiwa juk’am unxtasiwinakax utjaskakispawa.