Intendencia Municipal uksankirinakax walja kilos wallpa aycha, salchicha juk’ampinak thusktat jikxatasin aparawayapxi

Aka jach’a markanakanx kunayman tuqiwjanakanaw  wallpa, aycha, salchicha, enlatados juk’ampinakax aljataxa, ukhamakipanx  kullaka jilanakax ukanak alaqt’asiñatakix  janikiw yaqhipachax sumans uñakipasktanti, ukhamakipanx  Intendencia Municipal uksankirinakax ukanakax uñjataskarakiw sasinaw arsuwayapxi.

Ukataw aka El Alto markankiri intendencia municipal uksankiri Capitán Rudy Saavedra sawayarakixa: “..jichhakamax mä akatjamat uka wallpa, salchicha, enlatados alxañawjanakar purisinx  niya pusi tunka jila   kilos  wallpa aycha thusktatanakaw aparata utjawayi ukhamaraki  salchicha ukax niya pä tunka jila  kilos ukharaki aparata utjawayi…” Maysa tuqitx  intendencia uksankirinakax ukanakax ukhaman irnaqatakiskaniw sawayapxiwa jall ukhamata  markachirinakax k’umara jakasipxañapataki