Yatichirinakax qhurump arsusiñ wakichapxi

El Alto markana
Lunes, Marzo 25, 2019 - 17:03

Jach’a markanakanx  yatichirinakax  qutucht’asipxarakiwa. Ukhamakipanx aka El Alto markanx ukhamarjamarurakiw sarantapxi, ukampis jupanakax  wawanakaru yatichasinwa irnaqata sapurunjama sawayapxiwa. Ukatawa jupanakax irpirinakap tuqix qhananchapxi jani  askitapa payllawinakaru aka maranx  sapa patakatx  phisqhata mä juk’ampiruki irxatawi utjañapataki Central Obrera Boliviana uksankirinakata mayiñ  marka irpirinakaru amta utjatapa.

Maysatxa ukhamarakiw qhananchawayapxi jan ukakitapa jan ukasti kunaymana mayiwinaka utjatapa, ukankiwa k’umara jakaña tuqita, ukhamaraki  yatichirinakaru jitnaqayàpxatapa  ukatx  jubilación  ch’amampiki utjañapa amtatatapa. Ukhamakipanx  irpiripa aka El Alto markata Alex Morales yatichirix sawarakiwa, “aka jutiri warur (miércoles) uruwa El Alto markana  má qhurumpi arsusiwixa utjani.