Primarias sutiñchat chhijllawitx waliw arsuwinakax utjawayi

Aka markasanx  primarias sutiñchata  chhijllawinakaw phuqhasiwayi, ukanx kunayman partidos políticos  utji utt’ayata ukhaman jach’a Chhijllawinakan chikañchasipxañapatakiw chhijllasipxi. Ukampis  khitinakatix  uka partidos ukanakaru yanapapki jupanakaw  chimpuntawayapxi ukhaman   pä candidato ukasti mä partido ukata utjaspa ukax mayniri atipasina candidato ukhama jach’a chhijllawinakan sarantañapataki.

Uka amtax wasuruw aka markasan phuqhasiwayi. Ukhamakipanx  niyaki tukxatayasinx k’achañataw kunayman  chimpuntatanak  uñacht’ayapxi  ukasti jakthapisina. Ukhamakipanx khitinakatix Oposición uksankirinakax sawayapxiw, ina ch’usarus uka pä tunka paqallquni millones de Bs.  jaqtsna ukhamawa ukañkamax Movimiento al Socialismo uksankirinakax sapxarakiwa  MAS  ukax atipawayiwa niyaxaya  sapa patakata jakt’asinx pusi tunkarusa  jikatawaychixa ukañkamax oposición tuqinkirinakax aynacht’awayiw sasinaw arsusipxaraki.