Jichhuruw jisk’a yanak qhathux qhanstayat utjawayi

Aka markasanx sapa pä tunka pusini urukipan chinuqa (enero) phaxsinx jisk’a yänak qhathuw kunkañchayata. Ukanx  kunayman  jisk’a yänakamakiw   aljataxa. Ukatsti markachirinakax alt’asisinx mä iyaw sawi tuqi ukhamaraki wali ch’am tukt’asin uka  jisk’a yänaka alaqt’asisinx chiqaruw tukuyapxi.  Ukhamkipanx mä sarawix utjiw chika ururupuni alaqt’asisina sawumt’ayasiña ukhaman chiqañapataki.

Ukakipanx aka El Alto markanx jichhuruw uka qhathu  aka pä waranqa  tunka llätunkani marana  phuqhasiñapatakix kunayman  tuqiwjanakan  jisk’a yänak qhathu qhanstayawayapxi. Uka  amtawi phuqhaskipanx jiska yänaka irnaqirinakax  walirakiw   uñacht’awayapxi, marpach irnaqawiw sasina. Jiwasax aruskipawaytanwa kullaka Angélica Quispe jupampi, jupasti sarakiwa: “ …nayax  pä tunka maranakaw  aka jisk’a yänaka irnaqata alxta ukampis marpachaw  nanakax k’achata ukanaka wakichapta, ukasti mä iyaw sawimpi nanakat lurt’atarakiwa ukhaman  jaqix alaqt’asisinx chiqar tukuyañapataki”.