Thakhinakax askichatañapa mayipxi

Suyu Inquisivi tuqina

Aka urunakanx  markasanx jallux walipuniw purxat’i. Ukakipanx  kunayman ayllunkanx  achuyatanaka k’uchirt’ayatapatx waliw jallallt’apxi. Jichhax mä akatjamat pachax turkipanx llakisiñax utjarakiwa, kunatix juyphis juyphinti jan ukax  chhijchhis chhijchhintasinx  yapunakarux aynacht’ayarakiwa.

Ukhamakipanx Departamento de La Paz khaysa suyu Inquisivi tuqinx  khitinakatix   muxsa, ch’uxña ukhamaraki kunaymana achunaka achuyirinakax  mayipxiw uka tuqinx  thakhinakax  askin askichatañapa,  kunatix jallux purxatkipanx jank’akiw  uka thakhinakax lluqhitati sawayapxiwa ukatx  janiw jasakix jupanakax  achunaksa  aka jach’a markanakaru alxt’añataki puriyaña atxapxiti sasinaw qhananchapxi. Uksa tuqitx kullaka ejecutiva provincial Bartolina Sisa tuqina khaysa Inquisivi suyunkiri Fidelia López  sarakiwa: “uka thakhinakax askichatañapatakix irpirinakarus mayitaskarakiwa”.