Nacional - Markasat Yatiyuwinaka

Thuqhurinaka: Bolivia markan thuqhunakapx janiw Peru markax katuntaskaspati

Sapa mara thuqtuiri jilat kullakanakax walipuniw Bolivia markan may maya thuqhunakax utjki ukanak arxatañatakix Chukiyawu markan Unesco punkun unxtasiwyapxi.

Niya 40 jila thuqtuir jilat kullakanakaw Chukiyawu markanx 11 uru lapaka phaxsin Organización de las Naciones Unidas para la Educación, la Ciencia y la Cultura (Unesco) uka uta punkun tamachtuasisin unxtasiwyapxi ukjamat Bolivia markan may maya thuqtuawinakax utjki ukanak arxatañataki, kunati jichhürunakanx Perú markankirinakaw Virgen de Candelaria phunchhawin jachuanchayasin jupanakankkaspas ukjam katuntasiñ munxapxi.

Napoleón Gómez, Organización Boliviana de Defensa del Folklore (OBDEFO) irpirix wali qhuru arumpiw arsuwayi, jiwasan thuqtuäwinakasax "Obra Maestra del Patrimonio Oral e Inmaterial de la Humanidad" uñtuatawa, janiw khitis jasaki katuntasiñx amtkaspati, ukampisa Perú markax Bolivia markan moreno, diablada, tuinkhu yaqha thuqhunakx jasakiw katuntasiñ muni, jupanakankkaspas ukjama Virgen de Candelaria phunchhawin jachuanchayapxi, ukax janiw satawa, sasinwa mä qillqattuqi Unesco uksaturux Zulma Yugar, exministra de Culturas jupamp chiktuatax luqtawayapxi.

Ukampis Perú markankirinakax Bolivia markan phustuäwinakapa, isinakapa katuntasiñ amtapxi, uk yatisinx khitinakati familia folklorista ukjamapki jupanakax wali phiñasitapxiwa.