Tumarapi markanx anu ukhamaraki phisi uywanakaruw Vacuna Antirrábica uskt’apxani

Tunka suxtani urukipana llumpaqa (agosto) phaxsinx anu uywanakana urupatapa amtapxi, ukasti San  Roque tatan urupakipana, kawkiritix anu uywanakata yäqasiritapatx  uka uywanakan santupaw sapxiwa. Ukhamakipanx aka Bolivia markpachanx  mä Campaña de Vacunación Antirrábica utjañapa  utt’ayawayapxi.

Ukhamakipanx khaysa suyu Pacajes Municipio Waldo Ballivián Tumarapi tuqinx ukhamarakikiw uka urunakanx aka llumpaqa (agosto) phaxsinx anu ukatx phisi uywanakarux uka Vacuna Antirrábica ukax uskt’atani. Ukakipanx uka markan irpirinakapax  jawillt’apxiw taqi markachirinakaru puspach ayllunakat  uka uywanakas jikt’ata purt’anipxañapataki, ukhaman  uka uywanakax jan  wakiskiri usunakat  jark’aqatapxañapataki.