Desfiles Cívicos ukanakampiw Bolivia markar aruntawayapxi

193 independencia utjatapat amtawayapxi

Aka urunakanx  Bolivia markanx  mä pataka llätunk tunka kimsani (193) maranak maykipatapat Independencia amtamp sarxaruta utjatapat amtawayapxi. Ukampis aka maranx  suxta urukipana llumpaqa (agosto) phaxsinx kunayman wakt’awinakampiw phuqt’awayapxi. Ukasti khaysa  Potosí markan utjawayi. Ukarux Bolivia markpachat purt’awayapxi. Ukampis aka Departamento de La Paz tuqinx ukhamarakikiw uka Desfiles Cívicos ukanakampis phuqt’awayapxi. Kunayman suyunakans uka amtawinakax utjawarakikiwa.

Ukampis wasurux khaysa Potosí markanx  kunayman suyunakat purt’asin kunjamas isthapt’asiwinakapas ukhamaraki thuqt’awinakapas ukanak uñacht’awayapxi.  Aka Departamento de La Paz tuqit purt’asinx ukhamarakiw  pachpa isthapt’asiwinakapx, khaysa Potosí markanx, uñacht’awayapxi.