Jichhurux Pachamamaruw luqtawayapxi

Sapa llumpaqa (agosto) phaxsinx sarawinakarjam phuqt’asinx  Pachamama uraqit amtasiñ pacha wakt’ayapxi. Ukampis  uka iyaw sawinakarjamax amuyataw Pachamama  uraqix laka sit’aratapa ukasti manq’at autjatatapata; ukataw waxt’anaka, luqtanaka, wilanchanakas  aka phaxsinx  Pachamam uraqir churañax utji. Ukampis  uka  amtawinakampix  wak’an chiqanakana,  aytat chiqanakanwa phuqhapxi, ukampis  amaut’anakaw ukanakx sarayapxi. Uka tuqir iyaw sawin markachirinakatakix ukham amt’asitaw Pachamam uraqir suman jarphipar uywasitapat yuspajart’añataki ukhamarak askin markachirinakarux uywasiskañapatakiki, jan manq’ats umats t’aqhisiyañapataki.

Ukatx jichhuru nayriri urukipana aka llumpaqa (agosto) phaxsinx qallarawayapxiw Pachamama uraqiru  waxt’aña. Ukampis wali willjtatpachaw uka amtawimpix uka  wak’ani chiqanakanx amaut’anakas, markachirinakas Pachamamat amtasiwayapxi. Uksa tuqitx jilata Amaut’a Andrés Mamani sarakiwa: “Nanakax aka phaxsirux Pachamama uraqin phaxsipaw saptwa,  kunatix aka phaxsinaw Pachamamax lak sit’ari  manq’at autjatatapata. Ukampis jichha phaxsix lakan phaxsi satawa, ukataw jan kuna jan walinakas arsuñakikiti  ukhamaruw puriñas utjaspa ”