UCB tuqinx San Gabriel radiut uñacht’awayapxi

Radio: “San Gabriel” 63 maranaka phuqhawaykipana

Radio “San Gabriel” suxta tunka kimsani maranaka jichhamarax phuqhawayi, markap layku irnaqawi uñacht’ayasina. Ukampis aka Radio tuqinx nayra maranakatpachaw kunatix yatichawi yatiqawiki ukhamaraki alaxpacha awkisan arupa phawaña amtanakas ch’amanchata utjawayi, ukasti aymar markax nayrar sartañapataki.

Wasayp’u arumax, pä tunka payani urunakakipana aka achuqa (marzo) phaxsinx, khaysa jach’a yatiqaña uta Universidad Católica Boliviana (UCB) “San Pablo” tuqinx mä qhananchawiw  radio “San Gabriel” tuqina irnaqawipat utjawayi. Uka qhananchawx radiun irpirinaka ukhamaraki irnaqirinakaw uñacht’äwayapxi. Ukham amtawinaka utjañapx Carrera de comunicación Social ukasti jach’ayatiqaña uta Universidad Católica Boliviana “San Pablo “tuqinirpirinaka, yatichirinaka ukhamaraki yatiqirinakaw ch’amancht’awayapxi. Uka qhanancht’awinx markachirinaka,  yatiqirinaka, yatichirinaka ukhamaraki irpirinakaw chikañchasiwayapxi.

Qhipharux uka jach’a yatiqañ utankirinakax ch’amancht’awayapxiw mä reconocimiento satakis uka luqt’asina radio tuqin jiliri irpiriru ukhaman jallallt’asina Radio: “San Gabriel ukan irnaqawipa