Día Nacional de la Revolución Agraria Productiva y Comunitaria Yapacani tuqin amtapxani

Pä urukipana llumpaqa phaxsina

Mä waranqa llätunka pataka  kimsa tunka mayani (1931) maranx pä urukipana  llumpaqa (agosto) phaxsinx  nayriri  Escuela Indígena yatiqañ utaw Warisata marakana ut’asiwayi.   Mä waranqa llätunka pataka kimsa tunka paqallquni (1937) maranaw mä Decreto Supremo  tuqix Germán Buch jupax  marka irptkipanx sapa pä urukipana  llumpaqa (agosto) phaxsinx  Día del Indio  ukham amtasiñapataki ut’ayawayi.  Ukharusti pä urukipana llumpaqa (agosto) phaxsinx mä waranqa llätunka pataka phisqha tunka kimsani (1953) maranx Reforma Agraria ukaw  mä kamachi tuqi ut’asiwayi, ukhaman  khititix uraq irnaqki jupanakar ukax luqtatañapataki.

Ukatx pä waranqa paqallquni (2007) marat nayrarux  Día Nacional de la Revolución Agraria Productiva y Comunitaria ukhamaw amtatäxi. Uka urux  kunayman tuqinakanaw Desfiles Cívicos sata amtawinakax phuqhata, phust’awinakasa ukhamaraki  isisiwinakasas uñacht’ayatawa. Jichhamarax  khaysa Santa Cruz  Yapacani junt’u uraqin  uka amtawix jutiri pä urukipana llumpaqa (agosto) phaxsinx amtasini.