Cobacabana thakhix sit’antatawa

Distrito 7 uksankirinakax thakhi sit’antapxi
Monday, April 16, 2018 - 21:10

El Alto markan jakasirinakax kunaymana distritos ukhamanakan qamasipxi. Ukampis uka distrito 7  uksankirinakax uka taypinkapxiwa. Jichhax jupanakax wali qhurumpiw arsusipxi. Ukataw qhiphariri urururunx (viernes) arsusiwayapxana qhurumpi mayiwinakaw  El Alto markana irpirinakaru ukhamaraki  gobierno central uksankirirnakarusa utji sasina. Uka mayiwinakax mä pita ist’atañapawa sawayapxiwa.

Ukhamakipanx Reynaldo Ochoa  distrito 7 tuqina irpirix  sawayiwa  jichhurux nanakax amtawayaptwa suyt’awinakampi thakhisi t’antawinakampi sarantaña ukhamarjamaw phuqt’asipta. Ukataw jupanakax  Copacabana markaru sarkis uka thakhi sit’antawayapxi. Jupanakana mayiwipax utjiwa kimsa jach’a obras lurawinaka phuqhayatañapa ukhamaraki kunaymana wakt’awinakas phuqhatañapa, ukhamanauka distrito tuqina jakasirinakaru yanapañataki.

Ukhamakipanx jichhurux wali qhanthatitwa uka thakhi sit’antawimpix sartawayapxi. Ukanx markachirinakax mayipxiw mä pita uka mayiwinakaparux irpirinakat ist’atañapa kunatix uksa tuqinx  wali t’aqhinaw jakasipta sawaypaxiwa.