INFORMACIÓN REFERENCIAL
Sección Lengua Aymara
Temática Historia
Idioma Aymara
Ver en idioma Castellano

IRNAQÄW PACHANAKA
Phaxsürut - Urürkama
Alwatuqi
08:00 pachat 12:30 pachakama
Kurmürunaka
Alwatuqi
08:00 pachat 12:30 pachakama
Qilqantäwinaka
Yatichañ pankanaka
Utt'asïwipa
JUK'AMP YATIÑATAKI
Correo-e: info@radiosangabriel.org.bo
Teléfono: (591) - 2832544

AYMAR ARUSATA

Janïr utt'askasa

Kunapachati San Gabriel Radiox utt'asiwaykatayna ukjapachatpachaxa, anqa markat jutir Tatakuranakax markachirinakamp kastill arut jan aruskipañ atisaxa, aymar aru tapiw wakichäwinakan wayrampi chikt'at mistsupxatayna.

Upachataw Radiox wali ch'amampi aymar aru nayrataqatar sarxaruyatayna ukjamaraki wakichäwinakapas aymar arut arsutäñapataki. Uka amtäwisti juk'ampiw aymar saräwi jach'añchayarakitayna.

San Gabriel Radio taypi Aymar aru jach'añchayäwi, amtthapïwi, arsüwi ukjamaraki aymar saräw jach'añchayäwis taqi markachirinakatakix wali aski amtäwipunïtaynawa.

Chiqansa, aymar arux waranqa waranqa maranakaw tukjatäñapatak yant'apxatayna, ukampis janiw tukjañ atipkataynati. Ukat Imperio incaico pachanakanxa, arunak mayachthapiñ amtawayapxarakitayna; ukjamarus Época colonial, Republicana uka pachanakanxa, aymar arux chhaqtayañpun munapxatayna, ukjamarus janirakikiw atiwayapkataynati.

Bolivia markasanxa, Waranqa llätunk patak paqalqtunka marat aksaruw aymar aru, qhichwa aru ukat kawkïr arunakati markasan utjki lenguas nativas uñt'atanakax yäqatäxatayna. Ukataw San Gabriel Radiox aymar aru wali ch'amamp nayraqatar irptawayi, jichhürunakkamas jach'añchañchayatakïskiwa.

Ukatawa, Departamento de Lengua Aymara uks Radyu p'iqinchirix utt'awayatayna, ukjamat aymar aru juk'amp yatxatañataki, jach'añchayañataki ukjamaraki arsüwituqinsa yäpar art'atäñapataki, qilqäwituqinsa ukapachparaki. Ukampirusa, Radio taypi wali jayanakar purt'asina, markachirinakarus p'axtayaña, aymar aru jan armasipxañapataki, jan phinq'asipxañapatakisa; jan ukasti juk'amp yatintapxañanakasataki.

Jichhürunakanxa, Departamento de Lengua Aymara, wali ch'amampiw nayraqatar iranqäwinakamp sarantaski, jan aymar aru arsuri wayna tawaqunakaru, jila kullakanakar aymar aru yaticht'asina, ukjamaraki aymar aru thakhi uñt'ayasinsa. Ukat pankanakas yatiqañatak aymarat qilqt'atarakiwa..

AMTÄWINAKAPA

Jach'a amta

Aymar aru wali jaya mar aru nayraqatar wali ch'amamp jan chhaqhañapatak jach'añchayaña, markachirinakar yatichawi-yatiqäwi taypi yatichaña uñt'ayaña, ukjamaraki aymar saräwinak qawakipaña, ayni, mink'a juk'ampinak amtthapiña, luräwinakasans qhanstayaña..

Phuqhasir amtanaka

  • Aymar arut jan arsurinakar ullañ, qilqañ yatichaña.
  • Aymar aru sapürunjam jach'añchayaña.
  • Pankanak aymar arut qilqt'aña.
  • Taqi markachinakar aymar aru thakhi uñt'ayaña ukjamaraki yatichaña.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia