INFORMACIÓN REFERENCIAL
Sección Cultura Aymara
Temática Historia
Idioma Aymara
Ver en idioma Castellano

IRNAQÄW PACHANAKA
Phaxsürut - Urürkama
Alwatuqi
08:30 pachat 12:00 pachakama
Jayp'utuqi
13:00 pachat 17:30 pachakama
Utt'asïwipa
JUK'AMP YATIÑATAKI
Correo-e: info@radiosangabriel.org.bo
Teléfono: (591) - 2832544

AYMAR SARÄWISATA

Janïr utt'askasa

Aymar saräwixa, niy phisqa waranqa jila maranak janïr tatitu utjkipan ukapachatpachaw suni pata uraqin Cordillera de Los Andes de América del Sur uksan uñstawayatayna sapxiwa; 3600 ukjamaraki 4400 ukja alay thaya uraqin utt'ata. Ukapachanakan aymaranakax Lago Titicaca, Río Desaguadero, Lago Poopó uka quta thiyanakan qamasipxirïtayna.

Jichhapachanakaxa, Bolivia, Chile, Perú uksanakanakanaw aymaranakax utjasxapxi ukjamaraki yaqha anqa markanakans ch'iqintatäxarakiwa. Chiqansa, aymaranakax wali muspharkay luräwinak utjawayapxatayna, sañäni: Tiwanaku wiñay marka taqins uñt'ata, wali munkaya, ukjamaraki yaqhawjanakasa. Ukat jichhürunakans ukjam amuyump irnaqatakïskiwa, ukjamarus Aymaranakanakan qamäwipas, jakäwipas mayjawa: nayrapachanakax ayni, mink'a waki ukanakax walipuniw jach'añchayatarakirïtayna.

Coloniaje pachanakanxa, aymaranakax walipuniw anqa markat jutir q'ara jaqinakamp ch'am ch'iwrsuta, ñanqhachata uñjasipxatayna. Ukampirusa, nayraqatar wali ch'amamp sarantasipkakitaynawa, ch'axwäwinakans walja jila kullakanakaw jakäwinakaps apt'asiwayapxatayna. Ukat mä jan armkay ch'axwäwixa, Julián Apaza Tupak Katari jupaw p'iqt'awayatayna, ukjam sartasir uñjasasti, Español q'ara jaqinakax pusi qaqilump ch'iyjayasaw Peñas qarqa markan jiwkatawayapxatayna. Tupak Kataristi janïr jiwkasin arsuwayataynawa: "Nayaw jiwtxa, nayxaruxa waranqa waranqaniw sartasipxani" sasina. Uka markanaw San Gabriel Radyux utt'asiwayatayna, jichhürunakanxa, "Aymar markan arupa" ukjam uñt'atawa.

Ukatawa, Aymar saräw jach'añchayañataki, juk'amp yatxatañataki, taqinis uñt'apxañasatakix Departamento de Cultura Aymara ukjam sutimp utt'awayapxatayna, ukjamat San Gabriel Radyu Taypi wali jaya chiqawjanakar wayratuqi purt'asin markachirinakar p'arxtayañataki, jiwaspachap uñt'asipxañanakatakisa.

AMTÄWINAKAPA

Jach'a amta

Aymar saräwi juk'amp nayrar sarantayaña, markasans, anqa markanakans yatipxañapataki uñt'apxañapatakisa, sullkawirinakarus kunanakati qamäwisan utjki ukanakat sapürunjam jach'añchayaña yatiyaña, amuyt'ayaña, p'arxtayaña.

Phuqhasir amtanaka

  • Aymar saräwi sum qhanstayaña, taqinis yatipxañasataki.
  • Aymar markan luräwinakapat sullkawirinakar yatiyaña.
  • Purapat yanapt'asiwi ukanak amtthapiña.
  • Jach'at jisk'aru, jisk'at jach'aru yäqasiwi jach'añchayaña.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia