INFORMACIÓN REFERENCIAL
Sección Audiovisuales
Temática Historia
Idioma Aymara
Ver en idioma Castellano

IRNAQÄW PACHANAKA
Phaxsürut - Urürkama
Alwatuqi
08:30 pachat 12:00 pachakama
Jayp'utuqi
13:00 pachat 17:30 pachakama
Utt'asïwipa
JUK'AMP YATIÑATAKI
Correo-e: info@radiosangabriel.org.bo
Teléfono: (591) - 2832544

TELEVISIONTUQI YATICHAÑATAKI

Janïr utt'askasa

San Gabriel Radioxa, juk'amp nayrar sarantañapatakix Televisión taypiw kunaymäni wali wakiskiri wakichäwinak aymar arut ukjamaraki kastill arut wakt'ayaña, ukat yatichäwi-yatiqäwituqina, k'umar jakañtuqina, yap yapuchäwituqin juk'ampinakan yanapat'añapataki, uka amtampiw Departamento de Video utjnuqayapxatayna.

Waranqa llätunk pataka maranakanxa, Hno. José Canut Saurat San Gabriel Radio irptirix machaqa equipos Departamento de Video ukatak alawayatäna. Ukat uka machaq equiponakasti jank'akirakiw irnaqañatak sum wakt'ayatäxatayna.

Nayrïri Video wakichat'ata wakichäwisti akïritaynawa: "La mosca Marimacha y la familia zampoña" k'umar jakäwituqir chiqañchata, kunjamats Tuberculosis usut taqi markachirinakax jark'aqasipxsna uka amtampi.

Estudio de Video Qallaräwi

Waranqa llätunk patak llätunk tunk payani marana, "Premio Bartolomé de las Casas" ukjam atipasaxa, Estudio de Video "Bartolomé de las Casas ukjamaraki Auditorio San Gabriel" ukaw utt'ayatäxatayna. Ukarusti purt'aniwayapxataynawa: Bolivia markan jilïr irpiripa Jaime Paz Zamora, Felipe Gonzales España anqa markata yaqhanakampi.

Jichhaxa, Estudio de Video "Bartolomé de las Casas" juk'ampiw nayraqatar iranqäwinakamp sarantaski, kunaymäni wakichäwinak wakt'ayasina.

AMTÄWINAKAPA

Jach'a amta

Yatichäwi-yatiqäwituqin Televisión taypi wawanakaru, wayna tawaqunakaru, markachinakar yatichaña, yatiyaña, p'arxtayaña, amuyt'ayaña; ukjamaraki kunati jiwasan saräwisan utjki ukanak amtthapiña, jach'añchayaña; ukapachparaki taqinir uñt'ayaña, Educación Alternativa y Permanente uksan yatxatirinakar yanapt'añataki.

Phuqhasir amtanaka

  • Jakäwisan yanapt'ir wakichäwinak wakt'ayaña.
  • Televisión taypi taqi markachirinakar p'arxtayaña.
  • Jamuqanak taypi kunanakati markasan utjki ukanak uñt'ayaña.

Derechos Reservados © Radio San Gabriel 2011 - 2017
Información: info@radiosangabriel.org.bo  - puebloaymara@radiosangabriel.org.bo
Webmaster: sistemas@radiosangabriel.org.bo   Portal Web: www.radiosangabriel.org.bo
El Alto, La Paz - Bolivia